The Imitation Game இரண்டாம் உலகப்போர் சமயத்தில் ஹிட்லர் எடக்குத்தனமாக செய்த பல விஷயங்களில் உலகுக்கே விபூதி அடித்த ஒரு விஷயம்தான் எனிக்மா. எனிக்மா என்பது கிரிப்டோக்ராபி எனப்படும் முறையை அடிப்படையாக கொண்டு செயல்பட கூடியது. நாஜி இராணுவத்தின் விமானம் முதல் நீர்மூழ்கி கப்பல் வரை அனைத்திலும் எனிக்மா இருக்கும். அதன் உதவியோடு எழுதப்படும் தகவல்களை அதன் உதவி இருந்தால் மட்டும்தான் கண்டறிய முடியும். அந்த மிஷின் உங்களிடம் இருந்தாலும் அவர்கள் செய்திருக்கும் செட்டிங்கை செய்திருந்தால்தான் அந்த செய்தியை கண்டறிய முடியும். இது எதுவும் இல்லாமல் அந்த தகவலை கண்டுப்பிடிக்க சராசரியாக 20 வருடங்கள் ஆகும். தினசரி இரவு 12 மணிக்கு அந்த செட்டிங் மாற்றப்படும். எனவே இன்றைய செய்தியை நீங்கள் கண்டுப்பிடித்தாலும் அதை கொண்டு நாளைய செய்தியை கண்டறிய முடியாது. இதனால் வெளிப்படையாகவே வயர்லெஸ் சிக்னல் மூலமாக தங்கள் தகவல்களை பரிமாறி கொண்டனர் ஜெர்மானியர்கள். தினசரி அனைத்து நாடுகளாலும் அந்த தகவலை பெற முடியும். ஆனால் அதில் என்ன சொல்லப்பட்டுள்ளது என்பதை கண்டறிய முடியாது. இந்த நிலையில் இதுக்குறித்த ஆய்வில் பங்குபெறும்...