ஸ்டார் வார்ஸ் ஜெடி ஃபாலன் ஆர்டர் (Star wars Jedi Fallen Order)

 எலக்ட்ரானிக் ஆர்ட்ஸ் எனப்படும் நிறுவனத்தால் 2019 ஆம் ஆண்டு வெளியிடப்பட்ட கேம்தான் ஸ்டார்வார்ஸ் ஜெடி: ஃபாலன் ஆர்டர். ஸ்டார் வார்ஸ் திரைப்படத்தில் எபிசோட் 3 ஆன ரிவேஜ் ஆஃப் சித் திரைப்படத்தின் தொடர்ச்சியாக இந்த கேம் அமைந்துள்ளது.

இது ஒரு தெர்ட் பர்சன் பெர்ஸ்பெக்டிவ் கேம், பாயிண்ட் ஆஃப் வீவ் கேம் அல்ல. ஆனால் இது பெரும் கதை கொண்ட கேம். பொதுவாக கேம்கள் 8 மணி நேரம்தான் கேம் ப்ளே டைம் இருக்கும். ஆனால் 17 மணி நேரம் கேம் ப்ளே டைம் கொண்டது ஸ்டார் வார்ஸ் ஜெடி ஃபாலன் ஆர்டர்.

ஸ்டார் வார்ஸ் பற்றி தெரியாதவர்களுக்காக ஸ்டார் வார்ஸ் டிவேஞ்ச் ஆஃப் சித்தின் சுருக்க கதை

ஜெடி என்பவர்கள் மொத்த கேலக்ஸியையும் பாதுக்கப்பவர்கள். அவர்களுக்கு ஃபோர்ஸ் எனும் சக்தி இருக்கும். அதை கொண்டு அவர்களால் எந்த ஒரு மனிதனையும், பொருளையும் கவரவோ, தூக்கி எறியவோ முடியும். அதே போல டார்க் எனர்ஜி என்கிற சக்தியை பெற்ற கெட்டவர்களும் இருப்பார்கள். ஜெடிகள் லைட் சேபர் என்னும் ஆயுதத்தை வைத்திருப்பர். அதை கொண்டு மலையை கூட இரண்டாக பிளக்க முடியும்.

இவர்களிடம் இருந்து கேலக்ஸியை ஜெடி வீரர்கள் காப்பாற்றி வருவார்கள். இந்த நிலையில் ஓபி வான் கெனோபி என்னும் ஜெடி மாஸ்டர் அனேக்கன் ஸ்கை வாக்கர் என்கிற ஒருவனுக்கு ஜெடி பயிற்சி கொடுப்பார். ஆனால் அவன் தீயவனாக மாறிவிடவே அவன் கை, கால்களை வெட்டி போட்டுவிடுவார் ஓபிவான்.

இந்த நிலையில் அனேக்கன் தீய சக்திகளிடம் அடைக்கலம் பெற்று டார்த் வேடார் என்கிற புது அவதாரத்தை எடுக்கிறான். அவனது படைகளை கொண்டு கேலக்ஸியில் இருக்கும் மொத்த ஜெடிகளையும் அழிக்க உத்தரவிடுகிறான். அதே சமயம் பழி வாங்குவதற்காக ஓபிவானை தேடி வருகிறான்.

இப்போது கேமிற்குள் வருவோம்.

கெலக்டிக் ரிபபளிக் என பெயர் கொண்ட கேலக்ஸிக்கான ஜனநாயக அமைப்பு எம்பையர் என்கிற சர்வதிகார அமைப்பாக மாறுகிறது. ஜெடிகள் தேடி கொல்லப்படும் அந்த சமயத்தில் நமது கதாநாயகன் கால் கெஸ்டிஸ் ப்ராக்கா எனும் கிரகத்தில் மறைந்து வாழ்ந்து வருகிறான். இந்த நிலையில் செகண்ட் சிஸ்டர் என்னும் வில்லியிடம் மாட்டும் கால் அங்கிருந்து தப்பிக்கிறான்.

டார்த் வெடாரின் பணியாட்களாக இருக்கிற செகண்ட் சிஸ்டர் மற்றும் நைனன்த் சிஸ்ட்ரை வேட்டையாட பயிற்சி வீரனாக இருக்கும் கால் கிரகம் விட்டு கிரகம் பயணிக்கும் பயணம் அதில் நடக்கும் அட்வெஞ்சர்களே இந்த கேம்.

இதற்கு நடுவே மோசமான அவனது பழைய நினைவுகள், அவை மூலம் அவன் திரும்ப பெரிய ஜெடி ஆவது என கதை செல்கிறது. கேம் இறுதிக்கு செல்வதற்கு முன்பு ஒரு ஜெடி மாஸ்டர் அளவிற்கான சக்தியை கால் பெறுகிறான்.

நடிகர் கேம்ரான் ரில்லேதான் கால் கெஸ்டிஸாக வடிவமைக்கப்பட்டுள்ளார். இந்த கேமின் இரண்டாம் பாகம் இந்த வருடம் ஏப்ரல் 28 இல் வெளியாக இருக்கிறது.

Tech Specification:

இந்த கேமை விளையாட 2ஜிபி டிடிஆர்5 கிராபிக்ஸ் போதுமானது. அதற்கே லேக் ஆகாமல் நன்றாக எடுக்கிறது. இந்த கிராபிக்ஸிற்கு காட் ஆஃப் வார் 4 மற்றும் மைல்ஸ் மோரல்ஸ் ஸ்பைடர்மேன் லேக் ஆகின்றன. ஆனால் அதற்கு சமமான கிராபிக்ஸை கொண்டிருந்த போதிலும் 60 எஃப்.பி.எஸ் குவாலிட்டியில் இந்த கேம் சிறப்பாக எடுக்கிறது.