Skip to main content

டெட் வுட் டிக் அதிரடி - உதிரத்தின் நிறம் கறுப்பல்ல.!

 1877 இல் வெளிவந்து அதிக பிரபலமடைந்த டெட் வுட் டிக் நாவலை மையப்படுத்தி எழுதப்பட்டது இந்த காமிக்ஸ்



டெட் வுட் டிக் ஒரு கறுப்பினத்தை சேர்ந்த கதாநாயகன் ஆவார். அமெரிக்க ராணுவத்தில் இருக்கும் இவர் அவர்களுக்காக ஒரு செவ்விந்தியனை கொலை செய்ய செல்கிறார்கள். 

அந்த சமயத்தில் துவண்டு கிடக்கும் அந்த செவ்விந்தியன் டெட் வுட் டிக்கை பார்த்து உன்னை பார்த்து ஆச்சரியமாக இருக்கிறது என்கிறான். ஏன் என டெட் வுட் டிக் கேட்க ஒரு நாயை விட உங்களை இழிவாக நடத்தும் இவர்களுக்காக நீ வேலை பார்க்கிறாயே அதுதான் ஆச்சரியமாக இருக்கிறது என்கிறான் அந்த செவ்விந்தியன்.

அந்த ஒரு வார்த்தை டெட் வுட் டிக்கை பெரிதாக பாதிக்கிறது. அதனை தொடர்ந்து அவன் ராணுவத்தை விட்டு விலகுகிறான். இந்த நிலையில் சாக கிடக்கும் ஒரு முதியவனை பார்க்கிறான் டெட் வுட் டிக். அந்த முதியவர் உயிருடன் இருக்கும்போது பேசும் ஒரு சில விஷயங்களே டெட் வுட் டிக்குக்கும் அந்த முதியவருக்கும் ஆழமான நட்பை உருவாக்குகிறது.

இந்த நிலையில் நான் இறந்துவிட்டால் என்னை ஒரு நல்ல கல்லறையில் புதைக்க வேண்டும் என தனது கடைசி ஆசையை தெரிவிக்கிறார். அதற்கு டெட் வுட் டிக்கும் ஒப்புக்கொள்கிறான். அந்த முதியவரும் கறுப்பினத்தை சேர்ந்தவர். கதை நடக்கும் காலம் கௌபாய் யுகம் என்பதால் நீக்ரோக்களை கல்லறையில் புதைக்க முடியாது என கூறுகின்றனர் வெள்ளையர்கள்.

மேலும் அந்த முதியவரின் பிணத்தை வைத்து அவர்கள் விளையாடி வருகின்றனர். இதனால் கோபமடையும் டெட் வுட் டிக் அந்த கிராமத்தையே அதகளம் செய்ய தனி ஆளாக களம் இறங்குகிறான். அதற்கு பிறகு உள்ள ஆக்‌ஷன் பேக்தான் இந்த காமிக்ஸ்.

செம மாஸான ஒரு காமிக்ஸ். ஒரு ஆக்‌ஷன் படம் பார்க்க நினைப்பவர்கள் இந்த காமிக்ஸை கையில் எடுத்தால் அதை விட சிறப்பான ஆக்‌ஷன் இதில் காத்துக்கொண்டுள்ளது.
Labels:

Comments

Post a Comment

Popular posts from this blog

திராவிட தேசீயம்! மாநில சுயாட்சி ஏன்? Book Review

  மத்திய சர்க்காருக்கு அந்த சமயத்தில் அறிஞர் அண்ணா செய்த இரண்டு மிகப்பெரிய ஓ.ஜி சம்பவங்கள்தான் திராவிட தேசீயம் மற்றும் மாநில சுயாட்சி. இப்போது வெறுமனே திராவிட கட்சிகளை திட்டி கொண்டிருக்கும் இளம் தலைமுறையினருக்கு இந்த விஷயங்கள் குறித்து தெரிந்திருக்க வாய்ப்பில்லை. திராவிட தேசீயம் இந்தி எதிர்ப்பு போராட்டத்துக்கு பிறகுதான் தமிழ்நாட்டில் காங்கிரஸ் படுதோல்வி அடைந்தது. அதே சமயம் திராவிட முற்போக்கு கழகம் முதன் முதலாக ஆட்சி அமைத்தது. அப்போது இருந்தே அண்ணாவுக்கு இருந்த மிகப்பெரிய நெருடல் மத்திய சர்க்கார் நினைத்தால் எதை வேண்டுமானாலும் மாநில அரசில் நிறைவேற்ற முடிகிறது. எனவே நமக்கான உரிமைகள் நம்மிடம் இருக்க வேண்டும் என நினைத்துள்ளார். அந்த வகையில் அவருக்கு வந்த எண்ணம்தான் திராவிட தேசீயம். தமிழ்நாடு, கேரளம், ஆந்திரா, கர்நாடகா (அப்போது தெலுங்கானா இருக்கவில்லை) ஆகிய நான்கு மாநிலங்களை ஒன்றிணைத்து தனி திராவிட நாடு ஒன்றை உருவாக்க நினைத்தார் அண்ணா. இந்தியாவில் இருந்து பிரியும் இந்த நாடு தனிப்பட்டு செயல்படும் என்பது அவரது எண்ணம். திராவிட தேசீயம் என்று ஒரு விஷயம் கிடையாது. திராவிடம் என்பதே அண்ணா உருவாக...
Post a Comment
Read more

மாயி-சான்- ஹிரோசிமாவின் வானம்பாடி

  மாயி-சான்- ஹிரோசிமாவின் வானம்பாடி உலகில் மனிதர்களால் நடத்தப்பட்ட பேரழிவுகளில் காலத்தால் மறக்கப்படாத அமெரிக்காவை என்றென்றும் மனித நேயமற்ற நாடு என அழைக்கவும் காரணமாக இருந்த நிகழ்வு ஹிரோஷிமாவில் அமெரிக்கா நடத்திய அணுகுண்டு தாக்குதல். அதுவும் பயன்படுத்துவதற்கு எந்த ஒரு தேவையும் இல்லாதபோது தனது ஆயுத சக்தியை உலகிற்கு காட்டி அச்சத்தை உண்டாக்க மட்டுமே அமெரிக்கா செய்த ஒரு செயல்தான் இந்த அணுகுண்டு தாக்குதல். அணுகுண்டு தாக்குதல் நடந்த சமயத்தில் இருந்து ஹிரோஷிமாவில் என்ன மாதிரியான நரக வேதனைகள் நடந்தன. தப்பி பிழைத்தவர்கள் எதை பார்த்தார்கள், எங்கு சென்றனர். என்ன நடந்தது என்பதை விளக்குகிறது இந்த புத்தகம். புத்தகத்தில் விளக்கும் மாயி சான் வெளியே நின்று வேடிக்கை பார்த்தவர் அல்ல. அந்த ஹிரோஷிமா விபத்தில் பாதிகப்பட்டவர். காலை உணவை உண்ண அமர்ந்த மாயி சான் திடீரென பெரு வெடிப்பு சத்ததை கேட்கிறார். அதனை தொடர்ந்து அவர் பார்வையில் என்னவெல்லாம் அவர் பார்க்கிறார் என்பதை புத்தகம் விளக்குகிறது. எப்போதும் இந்த அணுகுண்டு தாக்குதல் பற்றிய புத்தகங்களில் அமெரிக்கா தொழில்நுட்ப ரீதியாக செய்த விஷயங்கள் அதிகமாக...
Post a Comment
Read more

பணம் சார் உளவியல் - Psychology of Money Book Intro

பணம் சார் உளவியல் - Psychology of Money மார்கன் ஹௌஸ்ஸேல் பக்கங்கள்:266 பணம், சேமிப்பு, சுய தொழில் துவங்குவது என பலவற்றை குறித்தும் ஞானத்தை வழங்கும் புத்தகமாக பணம்சார் உளவியல் புத்தகம் இருக்கிறது. மிக முக்கியமாக சேமிப்பு பழக்கம் மற்றும் சேமிப்பை பெருக்குவதற்கு எதிலெல்லாம் நாம் பணத்தை முதலீடு செய்யலாம் என்பதை பற்றி விரிவாக பேசப்பட்டுள்ளது. அதில் ஆகா என வியக்கும் அளவில் சில விஷயங்கள் இருந்தன. அவற்றை மட்டும் இங்கு விளக்கலாம் என நினைக்கிறேன். நாம் எந்த காலத்தில் பிறக்கிறோம் என்பதை பொருத்து நாம் முதலீடு செய்வதும் சேமிப்பதும் மாறுபடும் என்பது ஆசிரியரின் கருத்தாக இருக்கிறது. அது ஒரு வகையில் உண்மையும் கூட. அமெரிக்காவில் பங்கு சந்தை வீழ்ச்சி அடைந்த காலக்கட்டத்தில் வளர்ந்த ஒருவன், பங்கு சந்தை வீழ்ச்சி முடிந்த பிறகு பிறந்தவனை விட குறைந்த அளவிலேயே பங்குசந்தை முதலீடு குறித்து யோசிப்பானாம்.  ஏனெனில் அவன் வாழ்ந்த காலத்தில் அவன் பங்கு சந்தை முதலீட்டின் ஆபத்து குறித்து அறிந்தவன். ஆனால் பிறகு பிறந்தவன். அந்த ஆபத்தை அனுபவிக்காதவனாக இருக்கிறான். உதாரணத்திற்கு வங்க பஞ்சம் நிகழ்ந்த காலத்தில் பிறந்த ஒரு ந...
Post a Comment
Read more