நாளை போய் நேற்று வா - காமிக்ஸ்
page:65
நாளை போய் நேற்று வா ஒரு டைம் ட்ராவல் காமிக்ஸ் ஆகும். டைம் ட்ராவலை பொறுத்தவரை அதில் பல விதமான தியரிகள் உண்டு. பேக் டு தி ஃப்யூச்சர் மாதிரி கடந்த காலத்திற்கு சென்று தவறுகளை சரி செய்வதன் மூலம் எதிர்காலம் மாறும் என்பது ஒரு ரகம்.
ஆனால் கடந்த காலத்தில் எதையுமே நம்மால் மாற்ற முடியாது என கூறும் திரைப்படங்களும் உண்டு. ட்ரைம் ட்ராவலர் வைஃப் என்கிற திரைப்படம் அந்த மாதிரியான கதைக்களத்தை கொண்டது.
அதே மாதிரி மாநாடு மாதிரி நடந்ததே திரும்ப நடக்கும் டைம் லூப் கதைகளங்களும் உண்டு. இதில் இந்த காமிக்ஸ் வேறு வகையான டைம் ட்ராவல் ஸ்டோரி என்று கூற வேண்டும்.
கதையின்படி ஒரு பெண் போலீஸ் அதிகாரியாக இருக்கிறாள். காலையில் அவள் எழுந்திருக்கும் போது அவளை கொலை செய்ய ஒருவன் முயற்சிக்கிறான். இதற்கு நடுவே வயதான பெண் ஒருத்தி அந்த போலீஸ் அதிகாரியை காப்பாற்றுகிறாள்.
பிறகுதான் தெரிகிறது அந்த வயதான பெண்ணே அந்த போலீஸ் அதிகாரிதான். எதிர்காலத்தில் இருந்து இவரை காப்பாற்ற வந்துள்ளார். அந்த கொலைக்காரனும் எதிர்க்காலத்தை சேர்ந்தவன் தான்.
எதற்காக அவன் இவளை கொலை செய்ய நினைக்கிறான் என்பதை வைத்து கதை செல்கிறது. ஆனால் டைம் லூப் மாதிரி ஒரு அம்சம் இதில் உள்ளது. அதாவது இந்த நிகழ்வுகள் இந்த காலவரிசைக்குள் திரும்ப திரும்ப நடந்துக்கொண்டுதான் இருக்கும்.
ஆனால் கதாபாத்திரங்கள் மட்டும் மாறுவார்கள். கடந்த காலத்தில் உள்ள எந்த நபரையோ கொல்வதற்கு அந்த கொலையாளி வந்துக்கொண்டேதான் இருப்பான். அவன் அவர்களை தீர்த்துக்கட்டுவதன் மூலம் அவனுக்கு எதிர்காலம் மாறாது. அந்த நிகழ்வு நடந்துக்கொண்டேதான் இருக்கும். எனவே அவன் திரும்ப திரும்ப பழி வாங்க வந்துக்கொண்டேதான் இருப்பான்.
அது கதை படிக்கும்போது என்ன விஷயம் என புரியும். ஆனால் நல்ல சயின்ஸ் பிக்சன் காமிக்ஸ்.
Comments
Post a Comment