பொஹிமியாவில் ஒரு அவதூறு (ஷெர்லாக் ஹோம்ஸ் சிறுகதைகள்)

 

பொஹிமியாவில் ஒரு அவதூறு (ஷெர்லாக் ஹோம்ஸ் சிறுகதைகள்)

ஆர்தர் கோனான் டாயில்

உலகம் முழுவதும் பிரசித்தி பெற்ற ஒரு டிடெக்டிவ் நாவல் கதாபாத்திரம். இவருக்கு நான் இண்ட்ரோ கொடுக்க தேவையில்லை. உலகம் முழுவதும் இப்போது வரும் துப்பறியும் கதைகளில் ஷெர்லாக் ஹோம்ஸ் கதையின் தாக்கம் இல்லாமல் இருக்காது. அந்த அளவிற்கு துப்பறியும் கதைகளுக்கு ஒரு இலக்கணமாக ஆர்தர் கோனான் டாயிலின் ஷெர்லாக் ஹொம்ஸ் உள்ளது.

ஷெர்லாக் ஹோம்ஸ் கதைகள் வந்த பிறகு அவர் உண்மையிலேயே லண்டனில் இருக்கிறார் என்பதாக பலரும் நம்ப துவங்கினர். பிறகு பேக்கர்ஸ் தெருவில் உள்ள ஷெர்லாக் ஹோம்ஸ்க்கு அவர்கள் கடிதங்களை எழுத துவங்கினர். உண்மையில்  அப்படி ஒரு முகவரியே அப்போது இல்லை. அந்த அளவிற்கு தாக்கத்தை ஏற்படுத்திய ஒரு கதாபாத்திரம்தான் ஷெர்லாக் ஹோம்ஸ்.

இந்த சிறுகதை தொகுப்பை பொறுத்தவரை ஷெர்லாக் ஹோம்ஸ் துப்பறியும் பொஹிமியாவில் ஒர் அவதூறு, அடையாளம் குறித்த வழக்கு, செந்தலையர் சங்கம் ஆகிய மூன்று கதைகள் உள்ளன. மூன்றுமே சுவாரசியமான கதைகள்.

ஷெர்லாக் ஹோம்ஸ் கதையில் உள்ள மிகப்பெரிய ட்ரிக் என்னவென்றால் அவரது நண்பரான வாட்சனின் பார்வையின் வழிதான் ஒட்டு மொத்த கதையும் செல்லும். எனவே வாட்சன் தன் கண்ணால் பார்க்காத எந்த ஒரு விஷயத்தையும் வாசகர்களாலும் தெரிந்துக்கொள்ள முடியாது. ஷெர்லாக் ஹோம்ஸ் விளக்கும் வரை வாசகர்களும் வாட்சனும் காத்திருக்க வேண்டி இருக்கும்.

எனவே கதையில் இந்த விவரத்தை சொன்னால் விஷயத்தை வாசகர்கள் கண்டறிந்துவிடுவார்கள் என தோன்றும் விஷயங்களை வாட்சன்  கண்ணுக்கு படாமல் மறைத்து விடுவார் ஆசிரியர்.

இந்த கதைகளிலும் அந்த வேலையை பார்த்திருந்தார். இதில் பிடித்த கதை என பார்த்தால் செந்தலையர் சங்கத்தை கூறலாம். தெகிடி படத்திற்கு இந்த கதைதான் இன்ஸ்ப்ரேஷனாக இருந்திருக்க வேண்டும்.

கதைப்படி ஒரு சின்ன நகைக்கடை வைத்திருக்கும் முதலாளி இருக்கிறார். அவருடைய கடையில் ஒரு இளைஞன் பாதி சம்பளத்திற்கு வேலைக்கு சேர்கிறான். ஒரு நாள் அவன் இவரிடம் ஒரு செய்தியை காட்டுகிறான். செந்தலையர் சங்கத்தை சேர்ந்தவர்கள் ஒரு சின்ன வேலைக்கு பெரும் சம்பளம் அறிவித்துள்ளனர்.

முதலாளிக்கு சிவப்பு முடி இருப்பதால் அந்த வேலைக்கு முயற்சிக்கிறார். வேலையும் கிடைக்கிறது. முதலாளி வேலை பார்க்கும் நேரங்களில் இளைஞன் கடையை பார்த்துக்கொள்வது என பேசிக்கொள்கின்றனர். அதன்படி வேலையும் எளிதாகவே உள்ளது. ஆனால் ஒருநாள் வேலைக்கு செல்லும்போது அங்கே எந்த அலுவலகமும் இல்லாமல் இருக்கிறது.,

அருகில் விசாரிக்கும்போது யாருக்குமே முதலாளி வேலை பார்த்த அலுவலகம் பற்றி தெரியவில்லை. இதனால் நஷ்டம் ஒன்றும் இல்லை லாபம்தான் என்றாலும் ஏன் இது நடந்தது என அறிய அவர் ஷெர்லாக் ஹோம்ஸை அணுகுகிறார். இதனை அடுத்து அதற்கு பின்னால் இருக்கும் குற்றத்தை ஷெர்லாக் ஹோம்ஸ் கண்டறிகிறார்.

இப்படியாக இதில் உள்ள மூன்றுமே சுவாரசியமான கதைகள்..